FOYDALANUVCHI SHARTNOMASI

Toshkent sh.

O‘zbekiston Respublikasi qonunchiligiga muvofiq ro‘yxatdan o‘tgan “Uzum Tezkor” MCHJ XK, STIR: 310088368 (keyingi o‘rinlarda – “Uzum Tezkor”), ushbu hujjatni e’lon qiladi. Ushbu hujjat O‘zbekiston Respublikasi Fuqarolik kodeksining 369-moddasiga muvofiq muomala layoqatiga ega bo‘lgan jismoniy shaxslarga – Foydalanuvchilarga yo‘naltirilgan ommaviy oferta bo‘lib, u mazkur Shartnomaning shartlarini qabul qilgan Foydalanuvchi bilan “Uzum Tezkor” o‘rtasida tuzilgan deb hisoblanadi.

Ushbu Shartnoma “Uzum Tezkor” tomonidan istalgan Foydalanuvchiga quyidagi shartlar asosida tuzishni taklif qiluvchi ommaviy oferta hisoblanadi. Foydalanuvchi “Uzum Tezkor” Servisidan foydalanishdan avval ushbu Shartnoma bilan to‘liq tanishib chiqishi shart. “Uzum Tezkor” Servisida ro‘yxatdan o‘tish, Uzum Tezkor Servisining har qanday funksiyalaridan, dasturiy imkoniyatlaridan foydalanish, Servisda Buyurtmani rasmiylashtirish, keyinchalik Buyurtma uchun to‘lovni amalga oshirish fakti Foydalanuvchi tomonidan ushbu Shartnomani to‘liq va so‘zsiz qabul (aksept) qilganligini anglatadi. Agar Foydalanuvchi Shartnomaning biror-bir bandi bilan rozi bo‘lmasa, u Servisdan foydalanish huquqiga ega emas.

ATAMALAR VA TA’RIFLAR

Uzum kompaniyalar guruhi — raqamli IT-ekotizimiga kiruvchi kompaniyalar majmuasi bo‘lib, jumladan, ular bilan cheklanmagan holda, quyidagilarni o‘z ichiga oladi: “UZUM MARKET” MCHJ XK, “UZUM TECHNOLOGIES” MCHJ XK, “UZUM TEZKOR” MCHJ XK, “UZUM” MCHJ, “UZUM AUTO” MCHJ, “UZUM BANK” AJ, “SOLUTIONS LAB” AJ, “KAPITALBANK” ATB, “SHAFFOF MOLIYA” MCHJ MFO hamda ularning affillangan shaxslari.

Oldi-sotdi shartnomasi — Foydalanuvchi tomonidan Buyurtma rasmiylashtirilishi natijasida Foydalanuvchi va Sotuvchi o‘rtasida tuziladigan tovar oldi-sotdi shartnomasi.

Yetkazib berish sharti bilan oldi-sotdi shartnomasi — Buyurtma asosida Foydalanuvchi va Sotuvchi o‘rtasida tuziladigan, shuningdek, tovarning bevosita Sotuvchi tomonidan yetkazib berilishini nazarda tutuvchi oldi-sotdi shartnomasi.

Yetkazib berish shartnomasi — Buyurtma asosida Foydalanuvchi va Logistika hamkori yoki uning Kuryeri o‘rtasida tuziladigan, tovarni belgilangan manzilga yetkazib berishni nazarda tutuvchi shartnoma.

Yetkazib berish — Servis orqali buyurtma qilingan tovarni Foydalanuvchi tomonidan ko‘rsatilgan manzilga yetkazish xizmati bo‘lib, u Logistika hamkorining Kuryeri yoki Sotuvchining vakili tomonidan amalga oshiriladi.

Buyurtma — Servisda rasmiylashtirilgan so‘rov bo‘lib, Foydalanuvchi tomonidan oldi-sotdi shartnomasi, yetkazib berish shartnomasi yoki yetkazib berish sharti bilan oldi-sotdi shartnomasini tuzishga qaratilgan hamda tovarning sotilish va yetkazib berilish shartlariga rozilik bildirganligini tasdiqlovchi hujjat.

Logistika hamkorining Kuryer(lar)i — Logistika hamkori bilan shartnoma asosida ishlovchi va buyurtmalar bo‘yicha tovar yetkazib berish huquqiga ega bo‘lgan jismoniy shaxs.

Uzum Tezkor Logistika hamkori — Buyurtma asosida Foydalanuvchi nomidan Kuryer orqali tovar yetkazib berish xizmatlarini taqdim etish uchun taklif bildirish hamda yetkazib berish shartnomasini tuzishni ta’minlovchi yuridik shaxs.

Maxfiylik siyosati — Uzum Tezkor tomonidan Foydalanuvchining shaxsiy ma’lumotlarini noqonuniy kirish, yo‘q qilish, o‘zgartirish, bloklash, nusxalash, tarqatish hamda uchinchi shaxslar tomonidan boshqa noqonuniy harakatlardan himoya qilish uchun qabul qilingan tashkiliy va texnik choralar majmuasi. Ushbu siyosat bilan quyidagi manzil orqali tanishish mumkin: https://uzumtezkor.uz/gdpr.

Foydalanuvchi — Servisdan ushbu Shartnomada ko‘rsatilgan shartlar asosida foydalanib, tovar va yetkazib berish xizmatlarini buyurtma qilish maqsadida ro‘yxatdan o‘tgan va avtorizatsiyadan o‘tgan jismoniy shaxs.

Foydalanuvchi shartnomasi — mazkur hujjat bo‘lib, quyidagi manzilda joylashgan: https://uzumtezkor.uz/terms-of-use.

Sotuvchi — Uzum Tezkor hamkori bo‘lib, Servis orqali tovarlarni sotish va ayrim hollarda ularni Foydalanuvchilarga yetkazib berish bilan shug‘ullanadi.

Promokod — ma’lum belgilar ketma-ketligidan iborat maxsus kod bo‘lib, u faollashtirilganida va foydalanish shartlariga rioya qilingan taqdirda, Uzum Tezkor tomonidan Foydalanuvchiga tovar va/yoki yetkazib berish xizmatlari uchun chegirma taqdim etiladi. Promokodlardan foydalanish qoidalari bilan quyidagi manzilda tanishish mumkin: https://uzumtezkor.uz/promocodes.

Uzum Tezkor Servisi (Servis) — internet tarmog‘ida https://uzumtezkor.uz manzilida joylashgan dasturiy ta’minot, shuningdek, Servisning mobil ilovasi va/yoki Uzum kompaniyalar guruhi platformalaridagi veb-sahifalar (WebView) bo‘lib, Foydalanuvchilarga Servisdagi materiallar bilan tanishish, tovarlarni buyurtma qilish va yetkazib berish xizmatlaridan foydalanish imkoniyatini taqdim etadi.

Servis yig‘imi — Uzum Tezkor tomonidan Foydalanuvchiga Servisdan foydalanish huquqi uchun undiriladigan to‘lov bo‘lib, uning miqdori ushbu Shartnomaning 1.5-bandida belgilangan.

Tovar — Sotuvchi tomonidan taqdim etiladigan oziq-ovqat va nooziq-ovqat mahsulotlari bo‘lib, jumladan, jamoat ovqatlanish muassasalarida tayyorlangan mahsulotlar, shifokor retseptisiz sotiladigan dori vositalari va/yoki tibbiy buyumlar, biologik faol qo‘shimchalar, dorixonalar orqali sotish ruxsat etilgan boshqa mahsulotlar, veterinariya retseptisiz sotiladigan dori vositalari, ozuqaviy qo‘shimchalar va veterinar dorixonalari orqali sotish mumkin bo‘lgan boshqa mahsulotlar hamda elektron tijorat orqali sotishga ruxsat etilgan boshqa mahsulotlar. Ushbu tovarlar oldi-sotdi shartnomasi yoki yetkazib berish sharti bilan oldi-sotdi shartnomasining predmeti hisoblanadi.

1. SHARTNOMA PREDMETI

1.1. Servis – bu yagona axborot tizimi bo‘lib, Foydalanuvchilarga Tovarlarni tez va oson topish, Buyurtma rasmiylashtirish va Yetkazib berish xizmatidan foydalanish imkoniyatini taqdim etadi. Ushbu jarayon mazkur Shartnomada belgilangan shartlarga muvofiq amalga oshiriladi.

1.2. Foydalanuvchi Servisdan “bor holicha” foydalanish huquqiga ega ekanligini tushunadi va qabul qiladi. Uzum Tezkor hech qanday kafolat yoki va’dalarni bermaydi hamda Tovarlarning sifati, Yetkazib berishning kechikishi, texnik nosozliklar, xatoliklar, noto‘g‘ri yoki o‘z vaqtida bajarilmagan yetkazib berish, to‘lov tizimlari va banklar faoliyatidagi uzilishlar, Servis dasturiy ta’minotining o‘rnatilishi, yangilanishi, ishlashi (shu jumladan, boshqa dasturiy mahsulotlar bilan mos kelmasligi), shuningdek, Foydalanuvchining Servisdan kutgan natijalariga mos kelmasligi kabi holatlar uchun javobgar emas.

1.3. Agar Foydalanuvchi Uzum Tezkor tomonidan kiritilgan o‘zgarishlarga rozi bo‘lmasa, u Servisdan foydalanishni to‘xtatish huquqiga ega. Bunday holatda, u Servis qo‘llab-quvvatlash xizmatiga murojaat qilishi kerak.

1.4. Ushbu Shartnomaga muvofiq va undagi barcha shartlarga rioya etilgan taqdirda, Uzum Tezkor Foydalanuvchilarga Servisdan foydalanish huquqini taqdim etadi. Ushbu huquq Shartnoma amal qiladigan muddat davomida va unda belgilangan shartlar doirasida beriladi. Uzum Tezkor istalgan vaqtda, oldindan ogohlantirmasdan, Servis tarkibini cheklash, kengaytirish, o‘zgartirish yoki Servisning ayrim funksiyalarini o‘zgartirish va modifikatsiya qilish huquqiga ega.

1.5. Servisdan foydalanish huquqi Foydalanuvchiga faqat shaxsiy notijorat maqsadlarda foydalanish uchun beriladi va quyidagilarni o'z ichiga oladi:

- Foydalanuvchining shaxsiy qurilmalarida Servisning alohida elementlarini (jumladan, mobil ilovani) ishlatish huquqi;

- Servisning foydalanuvchi interfeysida mavjud bo'lgan ma'lumotlar va ko'rsatmalardan foydalanish huquqi.

1.6. Servisdan foydalanish huquqi uchun Foydalanuvchidan Servis yig‘imi undiriladi. Uning miqdori Shartnomaning 1.5-bandida belgilangan hajmda bo‘lib, Buyurtma rasmiylashtirilayotgan paytda Servisda ko‘rsatiladi. Uzum Tezkor mazkur yig‘im miqdorini Shartnoma amal qilish muddati davomida o‘zgartirish huquqiga ega.

1.7. Foydalanuvchi Uzum Tezkor billing tizimining texnik xususiyatlariga ko‘ra, Servis yig‘imiga 1 so‘m miqdorida tuzatishlar kiritilishi mumkinligini tushunadi va bunga rozi bo‘ladi. Servis yig‘imining aniq miqdori Foydalanuvchiga taqdim etilgan fiskal chekda aks etadi.

1.8. Uzum Tezkor O‘zbekiston Respublikasining “Iste’molchilar huquqlarini himoya qilish to‘g‘risida”gi 221-I-sonli Qonuni ma’nosida vakolatli tashkilot hisoblanmaydi. Agar Foydalanuvchi oldi-sotdi shartnomasi yoki yetkazib berish shartnomasi bo‘yicha Uzum Tezkor’ga murojaat qilsa, Uzum Tezkor ushbu masala yuzasidan Sotuvchi, Logistika hamkori yoki Logistika hamkorining Kuryeri bilan bog‘liq ma’lumotlarni taqdim etish hamda ulardan kelib tushgan ma’lumotlarni Foydalanuvchiga yetkazish huquqiga ega.

1.9. Foydalanish qulayligi, xizmatlar/dasturiy taʼminot mahsulotlarining izchilligini taʼminlash va Foydalanuvchiga yagona xizmat koʻrsatish maydoni bilan taʼminlash maqsadida “Uzum” kompaniyalar guruhining xizmatlari/dasturiy taʼminot mahsulotlari, shu jumladan, Servis bir-biri bilan integratsiya bo’lishi mumkin. Xizmatlar/dasturiy ta'minot mahsulotlarining funktsiyalari va jarayonlarini integratsiyalashuvi ularning funksional imkoniyatlaridan birgalikda foydalanishni (WebView yoki Uzum kompaniyalar guruhining nativ ilovalaridan foydalanish yoki bir ilovadan boshqasiga yo'naltirish orqali), jarayonlarning uzluksiz bajarilishini va bir xizmat/dasturiy ta'minot mahsulotidan ikkinchisiga aniq tashkil etilgan tarzda boshqarishni ta'minlaydi. Bunday integratsiya texnik o'zaro hamkorlikni, ma'lumotlar almashuvini, profillarni sinxronlashtirishni, shu jumladan ko'rsatilgan maqsadlar uchun zarur bo'lgan darajada shaxsga doir ma'lumotlarni, shuningdek, mazkur Shartnoma va Maxfiylik siyosatida nazarda tutilgan o'zaro bajarilish hamkorlikning boshqa shakllarini o'z ichiga olishi mumkin.

1.10. Foydalanuvchiga Uzum Tezkor Servisi funksionalligidan foydalangan holda Uzum Marketda buyurtma berish imkoniyati beriladi. Uzum Marketdan foydalanish quyidagi shartlar asosida amalga oshiriladi:

- https://legal.uzum.uz/user-agreement-ru.html havolasida joylashgan “Uzum Market” MChJ XK Foydalanuvchi shartnomasi,

- https://legal.uzum.uz/privacy-policy.html havolasida joylashgan “Uzum Market” MChJ XK Maxfiylik siyosati.

2. FOYDALANUVCHINING SERVISDA RO‘YXATDAN O‘TISHI

2.1. Buyurtma rasmiylashtirish hamda Servisning ayrim funksiyalaridan foydalanish imkoniyati Foydalanuvchi Servisda va/yoki Uzum kompaniyalar guruhi mobil ilovalari va xizmatlarida ro‘yxatdan o‘tib, avtorizatsiyadan o‘tgandan so‘ng taqdim etiladi.

2.2. Servisda avtorizatsiya qilish uchun Foydalanuvchi o‘z mobil telefon raqamini kiritishi va avtorizatsiya kodini olishi lozim.

2.3. Ro‘yxatdan o‘tish jarayonida Foydalanuvchi ushbu Shartnomaning barcha shartlariga so‘zsiz roziligini bildiradi hamda Maxfiylik siyosatiga muvofiq shaxsiy ma’lumotlarini qayta ishlashga rozilik beradi.

2.4. Ro‘yxatdan o‘tish jarayonida Foydalanuvchi ro‘yxatdan o‘tish shaklida so‘ralgan shaxsiy ma’lumotlarni taqdim etishi lozim. Ro‘yxatdan o‘tgandan so‘ng, Foydalanuvchining profili (hisob yozuvi) orqali Servisda amalga oshirgan barcha harakatlari shaxsan u tomonidan amalga oshirilgan deb hisoblanadi.

2.5. Foydalanuvchi Servisda avtorizatsiya va ro‘yxatdan o‘tish jarayonida olingan va uning profilida saqlanadigan ma’lumotlar, shu jumladan parollar maxfiyligini ta’minlash va ularni uchinchi shaxslarga oshkor qilmaslik uchun shaxsan javobgar hisoblanadi. Shuningdek, u Servisdagi profilingda amalga oshirilgan barcha harakatlar uchun to‘liq javobgar bo‘ladi.

2.6. Foydalanuvchi o‘z profiliga ruxsatsiz (noto‘g‘ri) kirish holati yoki xavfsizlik buzilgan har qanday holat yuz bergan taqdirda, bu haqda zudlik bilan Uzum Tezkor qo‘llab-quvvatlash xizmatiga (Servis qo‘llab-quvvatlash xizmati Chati) xabar berishi shart.

2.7. Foydalanuvchi Servis tizimida faqat bitta profilga ega bo‘lish huquqiga ega. Bir nechta profillar yaratish va ushbu holatdan manfaat ko‘rish uchun chalg‘ituvchi harakatlarni amalga oshirish ushbu Shartnoma shartlarini buzish hisoblanadi va bunday harakatlar Foydalanuvchining barcha profillarining darhol bloklanishiga olib kelishi mumkin. Shuningdek, ushbu Foydalanuvchiga tegishli barcha telefon raqamlari, elektron pochta manzillari va bank kartalari kelajakda Servisda foydalanish uchun bloklanishi mumkin.

2.8. Foydalanuvchining Servisga kirish darajasi uning yashash joyi, yetkazib berish manzili, yetkazib berish hududining mavjudligi, Logistika hamkori va/yoki uning Kuryeri yoki Sotuvchining vakili tomonidan olib ketish uchun mavjud bo‘lgan Tovarlarning mavjudligi, Logistika hamkori va uning Kuryerining ish yuklamasi va ish rejimi hamda boshqa texnik va tashkiliy omillarga bog‘liq bo‘lishi mumkin. Ushbu omillar Servis funksionalligining ayrim Foydalanuvchilar uchun cheklanishiga sabab bo‘lishi mumkin.

3. SERVISDA BUYURTMANI RASMIYLASHTIRISH SHARTLARI VA TO‘LOV TARTIBI

3.1. Foydalanuvchi Servisda Buyurtmani faqat Uzum Tezkor Servisida yoki Uzum kompaniyalar guruhi ilovalarida ro‘yxatdan o‘tib, avtorizatsiyadan o‘tgandan so‘ng hamda Buyurtmaning minimal summasi bo‘yicha talablarni bajargan taqdirda rasmiylashtirishi mumkin. Minimal buyurtma summasi har bir Sotuvchi tomonidan Servisdagi tegishli sahifasida belgilanadi.

3.2. Foydalanuvchi Buyurtmani quyidagi usullardan biri orqali to‘lashi mumkin:

3.2.1. Buyurtmani olganida yetkazib berish xizmati (Logistika hamkori va/yoki Logistika hamkorining Kuryeri va/yoki Sotuvchi) orqali naqd pul bilan to‘lash;

3.2.2. Servisda bank kartasi orqali onlayn to‘lov qilish;

3.2.3. Uzum Bank ilovasi orqali bank kartasi bilan onlayn to‘lov qilish;

3.2.4. Uzum Nasiya bo‘lib-bo‘lib to‘lash xizmati orqali Uzum Bank ilovasi orqali belgilangan tariflar asosida mikromoliya tashkiloti bilan tuzilgan mikromoliya shartnomasiga muvofiq onlayn to‘lov qilish;

3.2.5. Servisda mavjud bo‘lgan boshqa usullar orqali to‘lovni amalga oshirish.

Agar Foydalanuvchi Uzum Nasiya orqali bo‘lib-bo‘lib to‘lash usulini tanlasa, u MCHJ MFO “SHAFFOF MOLIYA” bilan mikromoliya shartnomasini tuzadi.

3.3. Agar Foydalanuvchi Servisda onlayn to‘lov usulini tanlasa, u “UZUM BANK” AJ ning himoyalangan to‘lov sahifasiga yo‘naltiriladi va u yerda bank kartasi ma’lumotlarini kiritishi lozim. Foydalanuvchi qo‘shimcha identifikatsiya talablari va usullari haqida batafsil ma’lumotni o‘z bankidan olishi mumkin. Onlayn to‘lovlarni amalga oshirish va foydalanuvchilardan to‘lovlarni qabul qilish uchun Uzum Tezkor to‘lov agenti sifatida “UZUM BANK” AJ hamda “UZUM” MCHJ (keyingi o‘rinlarda – To‘lov agenti) xizmatidan foydalanadi.

3.4. Servisda Buyurtmani rasmiylashtirish vaqtida onlayn to‘lovlarning xavfsizligi “UZUM BANK” AJ tomonidan kafolatlanadi. Barcha bank kartalari bilan amalga oshiriladigan operatsiyalar O‘zbekiston Respublikasi amaldagi qonunchiligiga va to‘lov tizimlari talablariga muvofiq bajariladi. Onlayn to‘lovlar bo‘yicha ma’lumotlarni uzatishda maxsus xavfsizlik texnologiyalari qo‘llaniladi. Ma’lumotlar to‘lov tizimi operatorining xavfsiz va yuqori texnologiyali serverida qayta ishlanadi.

3.5. Foydalanuvchi Servisdagi profiliga bank kartasini bog‘lash imkoniyatiga ega. Kelgusida Foydalanuvchi tomonidan rasmiylashtirilgan har qanday Buyurtma uchun to‘lov, bank kartasi rekvizitlarini qayta kiritishga hojat qolmagan holda, profilga bog‘langan kartadan avtomatik ravishda yechib olinadi, agar Foydalanuvchining banki qo‘shimcha xavfsizlik choralarini qo‘llasa, onlayn to‘lovni tasdiqlash uchun “To‘lash” tugmasini bosish va bir martalik parolni kiritish talab qilinishi mumkin.

3.6. Bank kartalari bo‘yicha barcha operatsiyalarni tasdiqlash (avtorizatsiya) bank tomonidan amalga oshiriladi. Agar bank ushbu operatsiyani firibgarlik xususiyatiga ega deb hisoblash uchun asos topsa, u mazkur to‘lovni amalga oshirishni rad etish huquqiga ega. Bank kartalaridan foydalanib firibgarlik sodir etish O‘zbekiston Respublikasi qonunchiligiga muvofiq jinoiy javobgarlikka sabab bo‘lishi mumkin. Firibgarlik holatlarining oldini olish maqsadida Uzum Tezkor bank kartalari orqali amalga oshiriladigan to‘lovlarni o‘z imkoniyatlari doirasida tekshirish huquqiga ega.

3.7. Servisda to‘lov uchun ko‘rsatilgan summa Foydalanuvchi tomonidan shakllantirilgan Buyurtmaning umumiy qiymatini ifodalaydi. Shu bilan birga, Uzum Tezkor Sotuvchi va Logistika hamkori va/yoki Kuryer tomonidan taqdim etilgan ma’lumotlarning mazmuni va dolzarbligi uchun, jumladan, Tovarlarning va/yoki ko‘rsatilayotgan xizmatlarning narxi, Tovarni tayyorlash/yig‘ish va Yetkazib berish muddatlari hamda Tovarlarning ayni paytdagi mavjudligi bo‘yicha javobgar emas.

3.8. Foydalanuvchi tushunadi va rozi bo‘ladi,ki, Servisda ko‘rsatilgan Tovar va Yetkazib berish narxi Uzum Tezkor billing tizimining texnik xususiyatlari sababli avtomatik ravishda yuqoriga yoki pastga qarab yaxlitlanishi mumkin. Tovarning aniq (to‘liq/to‘g‘ri) qiymati fiskal chekda qayd etiladi va Foydalanuvchiga taqdim etiladi.

3.9. Foydalanuvchi tomonidan vazn birliklarida sotiladigan Tovar xarid qilingan taqdirda, uning aniq qiymati Sotuvchi tomonidan tortish jarayonidan so‘ng belgilanadi va Buyurtmani rasmiylashtirish vaqtida ko‘rsatilgan narxdan ozgina farq qilishi mumkin. Ushbu holatlarda Uzum Tezkor 1.7-bandda ko‘rsatilgan tartibda Servis yig‘imi summasiga tuzatishlar kiritish huquqini saqlab qoladi.

3.10. Ayrim hollarda, naqd pulsiz to‘lovlarni rag‘batlantirish, Servis ommabopligini oshirish, Foydalanuvchilarni jalb qilish hamda boshqa shu kabi maqsadlarda, Uzum Tezkor Tovar va/yoki Yetkazib berish qiymati uchun chegirma taqdim etuvchi Promokodlarni taqdim etishi mumkin. Bunday chegirmalar Uzum Tezkor qaroriga binoan belgilanadi va aniq sharoitlar va holatlarga bog‘liq ravishda qo‘llaniladi. Chegirmalarning miqdori Foydalanuvchi uchun Servisda ko‘rsatilgan bo‘ladi. Ushbu bandda nazarda tutilgan holatlarda, Uzum Tezkor 1.7-bandda ko‘rsatilgan tartibda Servis yig‘imi summasiga tuzatishlar kiritish huquqini saqlab qoladi.

3.11. Fiskal chek Foydalanuvchiga Servisning “Buyurtmalar” bo‘limida va/yoki “Profil” → “Buyurtmalar tarixi” bo‘limida Buyurtma yetkazib berilgandan so‘ng taqdim etiladi. To‘lov bo‘yicha savollar yuzaga kelgan taqdirda, Foydalanuvchi Servis qo‘llab-quvvatlash xizmati Chatiga murojaat qilishi mumkin.

3.12. Foydalanuvchi Buyurtmani rasmiylashtirish orqali quyidagi shartnomalardan birini tuzadi:

- Oldi-sotdi shartnomasi va Yetkazib berish shartnomasi yoki

- Yetkazib berish sharti bilan oldi-sotdi shartnomasi.

Foydalanuvchi Sotuvchi bilan Tovarni sotib olish bo‘yicha to‘g‘ridan-to‘g‘ri shartnomaviy munosabatga kiradi, shu jumladan, agar Yetkazib berish Sotuvchi tomonidan amalga oshirilsa, yetkazib berish sharti bilan. Logistika hamkori va/yoki Logistika hamkorining Kuryeri bilan esa Tovarni yetkazib berish bo‘yicha shartnomaviy munosabatga kiradi.

Servisda Buyurtmani rasmiylashtirish Foydalanuvchining Oldi-sotdi shartnomasi, Yetkazib berish shartnomasi yoki Yetkazib berish sharti bilan oldi-sotdi shartnomasining barcha muhim shartlariga hamda ushbu Shartnomaning Servisdan foydalanish shartlariga to‘liq roziligini bildiradi.

3.13. Foydalanuvchi tomonidan tuziladigan shartnomalarning muhim shartlari Uzum Tezkor orqali Sotuvchi va/yoki Logistika hamkori tomonidan taqdim etiladi hamda Servisda e’lon qilingan Tovar tavsifi, uni sotib olish shartlari va Yetkazib berish shartlarida aks ettiriladi.

3.14. Foydalanuvchi bilan tuzilgan Oldi-sotdi shartnomasi yoki Yetkazib berish sharti bilan oldi-sotdi shartnomasi bo‘yicha barcha huquq va majburiyatlar bevosita Sotuvchi zimmasiga yuklatiladi, Yetkazib berish shartnomasi bo‘yicha esa barcha huquq va majburiyatlar Logistika hamkori yoki Logistika hamkorining Kuryeriga tegishlidir.

3.15. Servisda ro'yxatdan o'tish va/yoki Buyurtma rasmiylashtirish orqali Foydalanuvchi quyidagilarni olishga rozilik bildiradi:

(i) Elektron pochta xabarlari, jumladan:

a) Buyurtma rasmiylashtirilgandan so‘ng uning o‘zgartirilishi yoki bekor qilinishi to‘g‘risidagi bildirishnomalar;

b) Buyurtma Yetkazib berish jarayoniga ta’sir qiluvchi holatlar yoki uning holati haqida tezkor ma’lumot.

(ii) “Play Mobile” MChJ, “EIGHT GROUP” MChJ, “IST TELEKOM” QK MChJ, “COSCOM” MChJ tomonidan Uzum Tezkor va Uzum kompaniyalar guruhi nomidan ko’rsatilgan mobil telefon raqamiga axborot va reklama tusidagi SMS-xabarlar.

(iii) Qo‘ng‘iroqlar, jumladan, Uzum Tezkor yoki Sotuvchi tomonidan Buyurtmani o‘zgartirish yoki bekor qilish zarurati tug‘ilganda;

(iv) Buyurtma holati haqida axborot va reklama tusidagi push-xabarnomalar;

(v) Qo‘ng‘iroqlar va/yoki push-xabarnomalar, Foydalanuvchining Servis, Sotuvchi yoki Logistika hamkori faoliyatini baholash bo‘yicha taklif olish maqsadida. Agar Foydalanuvchi SMS-xabarlar, push-xabarnomalar yoki qo‘ng‘iroqlarni qabul qilish funksiyasini o‘chirsa yoki bloklasa, u Buyurtmaning Yetkazib berilishi mumkinligi yoki imkonsizligi to‘g‘risidagi ma’lumotlarni elektron pochta manzili orqali olishga rozilik bildiradi.

Foydalanuvchi Servisni qo'llab-quvvatlash Chatiga murojaat qilib, SMS xabarlar va push-xabarnomalarni yuborishni rad etishga haqli.

3.16. Foydalanuvchi va Sotuvchi o‘rtasida Oldi-sotdi shartnomasi yoki Yetkazib berish sharti bilan oldi-sotdi shartnomasi tuzilgan deb hisoblanadigan moment — Foydalanuvchi “Buyurtmani yuborish” tugmasini bosgan payt (agar to‘lov naqd pulda amalga oshirilsa) yoki “To‘lash” tugmasini bosgan payt (agar onlayn to‘lov amalga oshirilsa). Agar to‘lov Servis orqali onlayn tarzda amalga oshirilayotgan bo‘lsa, Foydalanuvchiga to‘lovni yakunlash uchun cheklangan vaqt beriladi. Ushbu muddat tugaganidan so‘ng, agar to‘lov amalga oshirilmasa, ekranda “To‘lov muddati tugadi” (Vaqt tugadi) xabari aks etadi. Har qanday sababga ko‘ra onlayn-tranzaksiya amalga oshirilmagan taqdirda, Foydalanuvchiga “Buyurtma bekor qilingan. Afsuski, to‘lov amalga oshmadi. To‘lov usulini tekshirib, qayta urinib ko‘ring” xabarnomasi ko‘rsatiladi. Agar onlayn to‘lov Servisga tushmasa, bu holatda Oldi-sotdi shartnomasi yoki Yetkazib berish sharti bilan oldi-sotdi shartnomasi tuzilgan hisoblanmaydi.

3.17. Agar Foydalanuvchi Sotuvchi bilan Yetkazib berish sharti bilan oldi-sotdi shartnomasini tuzgan bo‘lsa, Buyurtmani Yetkazib berish majburiyati Sotuvchi zimmasiga yuklatiladi. Buyurtmani Yetkazib beruvchi Sotuvchining vakili haqidagi ma’lumotlar, yetkazib berish jarayoni va Buyurtmaning taxminiy yetkazib berilish vaqti Foydalanuvchi uchun Servisdagi Sotuvchining tegishli sahifasida ko‘rsatiladi. Sotuvchining Buyurtmani topshirish majburiyati Buyurtma Foydalanuvchiga yoki u ko‘rsatgan shaxsga topshirilgan paytda bajarilgan deb hisoblanadi.

Uzum Tezkor Sotuvchining harakatlari yoki harakatsizligi, Buyurtma tarkibi va sifati, soni, to‘liq komplektatsiyasi, shuningdek, Servisda Sotuvchining tegishli sahifasida ko‘rsatilgan Yetkazib berish muddatlariga rioya etilishi uchun javobgar emas. Agar Foydalanuvchida Buyurtma yoki Yetkazib berish bilan bog‘liq savollar yoki tushunmovchiliklar yuzaga kelsa, Uzum Tezkor Foydalanuvchiga Sotuvchining telefon raqamini taqdim etadi.

Uzum Tezkor Foydalanuvchiga Sotuvchi bilan yuzaga kelgan nizoli vaziyatlarni hal etishda ko‘maklashish huquqiga ega, shuningdek, kelgusida Servis orqali rasmiylashtiriladigan Buyurtmalar bo‘yicha Sotuvchi tomonidan taqdim etiladigan Tovar yoki Yetkazib berish xizmatlariga chegirma beruvchi Promokod taqdim etishi mumkin. Foydalanuvchi “Buyurtmani yuborish” yoki “To‘lash” tugmasini bosish orqali Sotuvchi bilan Oldi-sotdi shartnomasi yoki Yetkazib berish sharti bilan oldi-sotdi shartnomasini tuzishga to‘liq va so‘zsiz rozilik bildiradi.

3.18. Agar Buyurtma Logistika hamkori yoki Logistika hamkorining Kuryeri tomonidan yetkazib berilayotgan bo‘lsa, Sotuvchi Foydalanuvchiga Oldi-sotdi shartnomasi bo‘yicha Tovarni topshirish majburiyatini bajarilgan deb hisoblaydi, shu bilan birga, Tovar tegishli sifatga ega va Foydalanuvchi tomonidan rasmiylashtirilgan Buyurtmaga to‘liq mos kelishi lozim. Bu majburiyat Tovar Logistika hamkorining Kuryeriga topshirilgan paytda bajarilgan deb hisoblanadi.

3.19. Foydalanuvchi va Logistika hamkori yoki Logistika hamkorining Kuryeri o‘rtasida Yetkazib berish shartnomasi tuzilgan deb hisoblanadigan moment – Servisda Yetkazib berish uchun mas’ul bo‘lgan Logistika hamkori yoki Kuryer aniqlangan payt (3.21-bandga muvofiq) va Foydalanuvchi “Buyurtmani yuborish” tugmasini bosganida (agar to‘lov naqd pulda amalga oshirilsa) yoki “To‘lash” tugmasini bosganida (agar onlayn to‘lov amalga oshirilsa). Agar to‘lov Servis orqali onlayn amalga oshirilayotgan bo‘lsa, Foydalanuvchiga to‘lovni yakunlash uchun cheklangan vaqt beriladi, ushbu muddat tugaganidan so‘ng, agar to‘lov amalga oshirilmasa, ekranda “To‘lov muddati tugadi” xabari aks etadi. Har qanday sababga ko‘ra onlayn-tranzaksiya amalga oshirilmagan taqdirda, Foydalanuvchiga “Buyurtma bekor qilingan. Afsuski, to‘lov amalga oshmadi. To‘lov usulini tekshirib, qayta urinib ko‘ring” bildirishnomasi ko‘rsatiladi. Agar onlayn to‘lov Servisga tushmasa, bu holatda Yetkazib berish shartnomasi tuzilgan hisoblanmaydi.

3.20. Shartnomaning 3.19-bandida nazarda tutilgan hollarda «Buyurtmani jo’natish» yoki «To’lash» tugmalarini bosish orqali Foydalanuvchi Shartnomaning 3.21-bandiga muvofiq aniqlanadigan Logistika hamkori/Logistika hamkorining kuryeri bilan Yetkazib berish shartnomasini tuzishga to’liq va so’zsiz roziligini (akseptini) bildiradi.

3.21. Logistika hamkori yoki Logistika hamkorining Kuryeri Foydalanuvchi Buyurtmani rasmiylashtirgan va to‘lov amalga oshirilganidan so‘ng aniqlanadi hamda Sotuvchi Buyurtmani bajarishni boshlaganida (Tovarni tayyorlash yoki yig‘ish jarayoni) tayinlanadi.

3.22. Uzum Tezkor Foydalanuvchini Sotuvchi Buyurtmani bajarishni boshlagani, Tovarni tayyorlash/yig‘ish jarayoni boshlanganligi yoki Sotuvchi tomonidan Yetkazib berish jarayoni boshlangani haqida xabardor qiladi, bunda Foydalanuvchiga push-xabarnoma yoki SMS yuboriladi, shuningdek, Servisning “Buyurtmalar” bo‘limida “Sotuvchi tayyorlamoqda/yig‘moqda” yoki “Buyurtma yetkazib berishga topshirildi/Sotuvchi Buyurtmani yetkazmoqda” holati aks ettiriladi. Uzum Tezkor Foydalanuvchining o‘z qurilmasida push-xabarnomalarni o‘chirib qo‘yganligi sababli bildirishnomalarni olmasligi uchun javobgar emas va bunday hollarda ma’lumotni olmaslik xavfi Foydalanuvchining o‘z zimmasida bo‘ladi. Foydalanuvchi Logistika hamkori, Logistika hamkorining Kuryeri yoki Buyurtmani bajarayotgan Sotuvchi vakili haqida ma’lumot olish uchun Servis qo‘llab-quvvatlash xizmati Chati orqali yoki, agar Buyurtma Sotuvchi tomonidan yetkazib berilayotgan bo‘lsa, bevosita Sotuvchining o‘ziga murojaat qilishi mumkin.

3.23. Buyurtmani rasmiylashtirish uchun Foydalanuvchi Tovar va Yetkazib berish haqida ma’lumot bilan tanishgan holda, Servisda Oldi-sotdi shartnomasi va Yetkazib berish shartnomasi yoki Yetkazib berish sharti bilan oldi-sotdi shartnomasini bajarish uchun zarur barcha ma’lumotlarni kiritishi lozim, jumladan: qabul qiluvchining F.I.Sh., aloqa ma’lumotlari (telefon raqami va boshqalar), Buyurtmani yetkazish manzili (shahar/tuman nomi, metro bekati (agar mavjud bo‘lsa), ko‘cha nomi (prospekt, shosse va boshqalar), uy raqami (shu jumladan, korpus, bino, mulk va boshqalar), kirish eshigi raqami, kvartira raqami, qavat, domofon/eshik kodi (agar mavjud bo‘lsa)), to‘lov usuli hamda Buyurtmani qabul qilish usuli (agar Yetkazib berish “Eshikkacha” rejimida amalga oshirilsa). Shundan so‘ng, Foydalanuvchi “Buyurtmani yuborish” tugmasini (yoki unga ekvivalent boshqa tugmani) bosadi. Buyurtmani rasmiylashtirish va to‘lovni amalga oshirish orqali Foydalanuvchi ushbu Shartnoma, Sotuvchi bilan Oldi-sotdi shartnomasi yoki Yetkazib berish sharti bilan oldi-sotdi shartnomasi hamda Logistika hamkori yoki Logistika hamkorining Kuryeri bilan Yetkazib berish shartnomasi shartlariga to‘liq va so‘zsiz rozilik bildiradi, shuningdek, Servisda joylashtirilgan Tovar va Yetkazib berish haqida barcha ma’lumotlar bilan tanishganligini tasdiqlaydi.

3.24. Foydalanuvchi 3.23-bandda nazarda tutilgan harakatlarni bajargan paytda, u iste’molchilar huquqlarini himoya qilish bo‘yicha amaldagi qonunchilikka muvofiq Tovar va Yetkazib berish haqida, shuningdek, Sotuvchi va/yoki Logistika hamkori va/yoki Logistika hamkorining Kuryeri haqida to‘liq ma’lumot olganligini tasdiqlaydi.

4. BUYURTMADAN VOZ KECHISH VA/YOKI UNI BEKOR QILISH TARTIBI VA SHARTLARI

4.1. Foydalanuvchi Buyurtmani rasmiylashtirgandan so‘ng quyidagi hollarda undan voz kechish huquqiga ega:

4.1.1. Logistika hamkorining Kuryeri belgilangan yetkazib berish muddatidan 90 daqiqa kechikkan yoki Sotuvchining vakili belgilangan muddatdan 30 daqiqa kechikkan bo‘lsa;

4.1.2. Logistika hamkorining Kuryeri yoki Sotuvchining vakili Yetkazib berish xizmatini ko‘rsatishdan bosh tortgan yoki boshqa sabablarga ko‘ra o‘z majburiyatini bajarmagan bo‘lsa

4.1.3. Servisda texnik nosozlik yuz bergan bo‘lsa;

4.1.4. Foydalanuvchi 5, 6 va 7-bo‘limlarga muvofiq sifatli yoki sifatsiz Tovarni qaytarish yoki almashtirish jarayonini amalga oshirayotgan bo‘lsa;

4.1.5. Yetkazib berilgan Tovarning nomi, miqdori yoki sifati Buyurtmaga mos kelmasa.

Agar Buyurtmada ayrim pozitsiyalar nomi, miqdori yoki sifati bo‘yicha mos kelmasa, Foydalanuvchi Buyurtmadan qisman voz kechish huquqiga ega.

4.2. Foydalanuvchi Buyurtmani bekor qilish huquqiga ega, agar Sotuvchi ovqatlanish muassasalari tomonidan tayyorlanadigan mahsulotlar bo‘yicha tayyorlash jarayonini yoki boshqa turdagi Tovarlar bo‘yicha yig‘ish jarayonini boshlamagan bo‘lsa, bundan 4.1-bandda nazarda tutilgan holatlar mustasno. Buyurtmaning qabul qilish bosqichlari haqidagi tegishli ma’lumotlar Foydalanuvchining Servisdagi profilida aks ettiriladi.

4.3. Mazkur Shartnomaning 4.1-bandda ko‘rsatilgan holatlarda, 4.1.4-banddan tashqari, Foydalanuvchi darhol Servis qo‘llab-quvvatlash xizmati Chatiga yoki care@uzum.com elektron pochta manziliga murojaat qilib, o‘z talablarini bildirishga majbur. 4.1.4-band bo‘yicha esa, Foydalanuvchi 5, 6 va 7-bo‘limlarda belgilangan muddatlarda murojaat qilishi shart. Shikoyatga tasdiqlovchi hujjatlar va ma’lumotlar (skrinshotlar, fotosuratlar, videomateriallar va boshqalar) ilova qilinishi lozim.

4.4. Agar Sotuvchi yoki Logistika hamkori tomonidan pul mablag‘larini to‘liq yoki qisman qaytarish to‘g‘risida qaror qabul qilinsa, ushbu mablag‘lar eng qisqa muddatda qaytariladi. Biroq, pul mablag‘larining Foydalanuvchining bank kartasiga qayta tushish muddati Foydalanuvchining bank kartasi chiqarilgan bankning ish jadvaliga bog‘liq.

4.5. Agar to‘lov onlayn amalga oshirilgan bo‘lsa, to‘liq yoki qisman pul mablag‘larini qaytarish Sotuvchi topshirig‘iga binoan Uzum Tezkor tomonidan To‘lov agenti orqali to‘lov amalga oshirilgan Foydalanuvchining bank kartasiga qaytariladi. Agar to‘lov naqd pulda amalga oshirilgan bo‘lsa, to‘liq yoki qisman pul mablag‘larini qaytarish Sotuvchi topshirig‘iga binoan Uzum Tezkor tomonidan To‘lov agenti orqali Foydalanuvchining qaytarish bo‘yicha arizasida ko‘rsatilgan bank kartasi rekvizitlariga qaytariladi. Qaytarish bo‘yicha ariza Foydalanuvchi tomonidan Uzum Tezkor ofisida ushbu Shartnomaning 15.11-bandida ko‘rsatilgan manzil bo‘yicha rasmiylashtiriladi. Uzum Tezkor qaytariladigan pul mablag‘lariga teng miqdorda Tovar yoki Yetkazib berish uchun chegirma beruvchi Promokod taqdim etish huquqini saqlab qoladi.

4.6. Uzum Tezkor Foydalanuvchining avvalgi Buyurtmalari uning aybi bilan yetkazib berilmagan taqdirda, naqd pul bilan to‘lov shaklida yangi Buyurtma rasmiylashtirishni rad etish huquqiga ega. Bunday holatlarga Foydalanuvchining eshikni ochmasligi yoki Logistika hamkori Kuryeri yoki Sotuvchi vakilining qo‘ng‘iroqlariga 10 daqiqa ichida javob bermasligi, shuningdek, noto‘g‘ri, mavjud bo‘lmagan yoki to‘liq bo‘lmagan yetkazib berish manzilini ko‘rsatishi va shunga o‘xshash boshqa sabablar kiradi.

4.7. Sotuvchi Oldi-sotdi shartnomasi yoki Yetkazib berish sharti bilan oldi-sotdi shartnomasini bajarish imkoni bo‘lmagan taqdirda Buyurtmani bekor qilish huquqiga ega.

4.8. Agar Sotuvchi, Logistika hamkori yoki Logistika hamkorining Kuryeri Buyurtmani bajarish imkoniyatiga ega bo‘lmasa, jumladan: Sotuvchi Buyurtmani qabul qilish va Yetkazib berish majburiyatini tasdiqlamagan bo‘lsa, bo‘sh Logistika hamkori yoki Kuryer mavjud bo‘lmasa, Sotuvchining Yetkazib berishni amalga oshira oladigan vakili bo‘lmasa yoki boshqa sabablar tufayli majburiyatlarni o‘z vaqtida va tegishli tarzda bajarishning imkoni bo‘lmasa, Uzum Tezkor Buyurtmani bekor qilish va Foydalanuvchiga Buyurtma uchun to‘langan pul mablag‘larini qaytarish huquqiga ega.

5. TEGISHLI SIFATGA EGA TOVARLARNI ALMASHTIRISH VA/YOKI QAYTARISH TARTIBI

5.1. Foydalanuvchi Servis orqali rasmiylashtirilgan Buyurtma bo‘yicha nooziq-ovqat Tovarni olgan kundan boshlab 10 kalendar kun ichida uni Sotuvchidan xuddi shunday Tovarga almashtirish huquqiga ega. Agar Sotuvchida ushbu Tovarning aynan shu turi mavjud bo‘lmasa, Foydalanuvchi to‘langan pul mablag‘larini qaytarishni talab qilish huquqiga ega.

5.2. Quyidagi tegishli sifatga ega Tovarlar almashishga va/yoki qaytarishga taalluqli emas:

5.2.1. Oziq-ovqat mahsulotlari, shu jumladan ovqatlanish muassasalari tomonidan tayyorlangan mahsulotlar va biologik faol qo‘shimchalar (BFQ);

5.2.2. Hayvonlar uchun ozuqalar, veterinariya preparatlari, jumladan veterinariya dori vositalari, yem qo‘shimchalari, biologik preparatlar va gigiyenik mahsulotlar;

5.2.3. O‘zbekiston Respublikasi Vazirlar Mahkamasining 2003-yil 13-fevraldagi №75-son “O‘zbekiston Respublikasida chakana savdo qoidalari” to‘g‘risidagi Qaroriga 1-ilovada keltirilgan va ushbu Shartnomaning 1-ilovasida ham ko‘rsatilgan qaytarib bo‘lmaydigan va/yoki almashtirib bo‘lmaydigan sifatli Tovarlar ro‘yxatiga kiritilgan mahsulotlar.

5.3. Tegishli sifatga ega Tovarni qaytarish faqat quyidagi shartlarga rioya qilingan taqdirda mumkin: (1) Tovar foydalanilmagan, shikastlanmagan, asl qadoqlanishi, muhrlari, yorliqlari va birkalari (agar mavjud bo‘lsa) saqlangan, tashqi ko‘rinishi va iste’mol xususiyatlari buzilmagan bo‘lishi lozim, shuningdek, (2) Foydalanuvchi ushbu Tovarning tegishli Sotuvchidan xarid qilinganligini tasdiqlovchi dalillarga ega bo‘lishi kerak.

5.4. Tegishli sifatga ega Tovarni almashtirish va/yoki qaytarish Foydalanuvchi tomonidan quyidagi tartibda amalga oshirilishi mumkin: (a) Tovarni qabul qilish (yetkazib berish) paytida Logistika hamkorining Kuryeri yoki Sotuvchining vakili orqali, yoki (b) tegishli Sotuvchining savdo nuqtasida yoki Sotuvchi tomonidan e’lon qilingan boshqa joyda.

5.5. Tegishli sifatga ega Tovarni yuklash/tushirish va Sotuvchiga yetkazish/qaytarish bilan bog‘liq barcha xarajatlar Foydalanuvchi (Xaridor) zimmasiga yuklatiladi.

6. TEGISHLI SIFATGA EGA BO‘LMAGAN TOVARLARNI ALMASHTIRISH VA/YOKI QAYTARISH TARTIBI

 6.1. Agar foydalanuvchi tegishli sifatga ega bo‘lmagan Tovarni qabul qilsa va bu kamchiliklar Sotuvchi tomonidan oldindan kelishilmagan bo‘lsa, u quyidagilardan birini talab qilish huquqiga ega:

6.1.1. Shu turdagi (xuddi shu marka, artikulga ega) sifatli Tovarga almashtirish;

6.1.2. Boshqa turdagi (boshqa marka, artikulga ega) sifatli Tovarga almashtirish va xarid narxini qayta hisoblash;

6.1.3. Tovardagi nuqsonlarni bepul bartaraf etish yoki Foydalanuvchi yoki uning jalb etgan uchinchi shaxsi tomonidan amalga oshirilgan tuzatish xarajatlarini qoplash;

6.1.4. Tovarning xarid narxini mutanosib ravishda kamaytirish;

6.1.5. Oldi-sotdi shartnomasini yoki Yetkazib berish sharti bilan oldi-sotdi shartnomasini bekor qilish va Foydalanuvchiga yetkazilgan zararlarni qoplash.

6.2. Foydalanuvchi 6.1-bandda nazarda tutilgan huquqlarini quyidagi muddatlarda amalga oshirishi mumkin:

6.2.1. Sotuvchi tomonidan belgilangan kafolat muddati yoki yaroqlilik muddati davomida;

6.2.2. Agar Tovar uchun kafolat muddati yoki yaroqlilik muddati belgilanmagan bo‘lsa, sotib olingan kundan boshlab 6 oy ichida;

6.2.3. Sifatiga nomuvofiq oziq-ovqat mahsulotlari bo‘yicha sotib olingan kundan boshlab 24 soat ichida, shu bilan birga, ovqatlanish muassasalarining yetkazib berilgan mahsulotlari haroratiga oid da’volar Yetkazib berilgan paytdan boshlab 1 soat ichida bildirilishi mumkin.

6.3. Sifatiga nomuvofiq Tovarni almashtirish va/yoki qaytarish tegishli Sotuvchilar tomonidan O‘zbekiston Respublikasi 1996-yil 26-apreldagi № 221-I “Iste’molchilar huquqlarini himoya qilish to‘g‘risida”gi Qonuni hamda O‘zbekiston Respublikasi Vazirlar Mahkamasining 2003-yil 13-fevraldagi № 75-son qarori bilan tasdiqlangan “O‘zbekiston Respublikasida chakana savdo qoidalari”ga muvofiq belgilangan tartib va muddatlarda amalga oshiriladi.

6.4. Sifatiga nomuvofiq Tovarni almashtirish va/yoki qaytarish Foydalanuvchi tomonidan quyidagi tartibda amalga oshirilishi mumkin: (a) Tovarni qabul qilish (Yetkazib berish) paytida Logistika hamkorining Kuryeri yoki Sotuvchining vakili orqali, yoki (b) tegishli Sotuvchining savdo nuqtasida yoki Sotuvchi tomonidan e’lon qilingan boshqa joyda.

6.5. Sifatiga nomuvofiq Tovarni yuklash/tushirish va Sotuvchiga yetkazish/qaytarish bilan bog‘liq barcha xarajatlar tegishli Sotuvchi tomonidan qoplanadi.

7. DORIXONALAR VA VETERINARIYA DORIXONALARIDA SOTILADIGAN TOVARLARNI ALMASHTIRISH VA/YOKI QAYTARISH TARTIBI

7.1. Foydalanuvchi yetkazib berilgan Buyurtmadan voz kechish va uning to‘lovini rad etish huquqiga ega, bundan dori vositalari, tibbiy buyumlar va veterinariya dori vositalari mustasno, quyidagi hollarda:

7.1.1. Yetkazib berilgan Tovar Servisda buyurtma qilingan mahsulotga mos kelmasa;

7.1.2. Tovar noto‘g‘ri qadoqlangan yoki qadoq butunligi buzilganligi sababli shikastlangan bo‘lsa;

7.1.3. Tovarning yaroqlilik muddati o‘tgan bo‘lsa yoki undan foydalanish natijasida nojo‘ya ta’sirlar aniqlansa.

7.2. 7.1-bandda ko‘rsatilgan hollarda Foydalanuvchi Buyurtmadan voz kechish huquqiga faqat uni Logistika hamkorining Kuryeri yoki Sotuvchining vakili topshirayotgan paytda ega.

7.3. Agar Foydalanuvchi dori vositalarini qo‘llash natijasida nojo‘ya ta’sirlarni aniqlasa, u bu haqda Buyurtmani rasmiylashtirgan tegishli Sotuvchini darhol xabardor qilish majburiyatini oladi.

8. SERVISDAN FOYDALANISH BO‘YICHA MAJBURIYATLAR

8.1. Foydalanuvchi Buyurtma shakli va/yoki ro‘yxatdan o‘tish shaklida talab qilingan ishonchli, to‘liq va aktual ma’lumotlarni taqdim etishga rozilik bildiradi.

8.2. Agar Foydalanuvchi noto‘g‘ri yoki noto‘liq ma’lumot taqdim etsa yoki Uzum Tezkor taqdim etilgan ma’lumotlarning haqiqatga mos kelmasligi, to‘liqsizligi yoki noaniqligi bo‘yicha asosli shubhalarga ega bo‘lsa, Uzum Tezkor Foydalanuvchining ro‘yxatdan o‘tishini vaqtincha to‘xtatish yoki bekor qilish, shuningdek, Servisdan foydalanishiga rad javobini berish huquqiga ega.

8.3. Uzum Tezkor Foydalanuvchiga oldindan xabarnoma yubormasdan va/yoki sabablarni tushuntirmasdan Servisdan foydalanishni rad etish huquqini saqlab qoladi.

8.4. Uzum Tezkor, Servisda tayyor ovqat, oziq-ovqat mahsulotlari va boshqa Tovarlarni taklif qiluvchi Sotuvchilar hamda Logistika hamkorlari birgalikda Uzum Tezkor va/yoki Sotuvchilar va Logistika hamkorlari tomonidan taqdim etiladigan chegirmalarni o‘z ichiga olgan reklama aksiyalarini o‘tkazish huquqiga ega.

8.5. Servisda joylashtirilgan Tovarlarning fotosuratlari faqat ma’lumot berish uchun mo‘ljallangan bo‘lib, haqiqiy Tovar ushbu fotosuratlarga to‘liq mos kelmasligi mumkin.

8.6. “Kuryer uchun izoh” maydoni faqat yetkazib berish manzilini va tartibini aniqlashtiruvchi izohlarni kiritish uchun mo‘ljallangan. Yetkazib berish vaqtini yoki Buyurtmani qabul qilish vaqtini mustaqil ravishda belgilash, taom retseptini o‘zgartirish, muqobil telefon raqamni ko‘rsatish va boshqa shunga o‘xshash talablar ushbu maydonda kiritilishiga yo‘l qo‘yilmaydi va bunday talablar Buyurtmani bekor qilish, to‘langan pul mablag‘larini, shu jumladan Yetkazib berish va Servis yig‘imi qiymatini qaytarish uchun asos bo‘la olmaydi.

8.6.1. “Restoran uchun izoh” maydoni faqat taom tayyorlash bo‘yicha muhim o‘zgarishlarni talab qilmaydigan maxsus istaklarni ko‘rsatish uchun mo‘ljallangan. Uzum Tezkor Foydalanuvchiga ovqatlanish muassasalari uchun izoh qoldirish imkoniyatini yaratadi, biroq ushbu istaklarning bajarilishini kafolatlamaydi. Ovqatlanish muassasasi izohda ko‘rsatilgan istaklarni bajarish yoki bajarmaslik to‘g‘risida mustaqil qaror qabul qiladi va Uzum Tezkor bu istaklarning e’tiborsiz qoldirilishi uchun javobgar emas. Ovqatlanish muassasasi Foydalanuvchining izohida ko‘rsatilgan talabni bajarmagan taqdirda, bu holat Buyurtma, Yetkazib berish yoki Servis yig‘imi uchun to‘langan mablag‘larni qaytarish uchun asos bo‘la olmaydi.

8.7. Rasmiylashtirilgan Buyurtma Sotuvchi tomonidan uning yuklamasiga qarab tasdiqlanishi yoki bekor qilinishi mumkin.

8.8. Agar Yetkazib berish hududida Logistika hamkorining vakili, Kuryeri yoki Sotuvchi vakili mavjud bo‘lmasa, Uzum Tezkor Buyurtmani bekor qilish huquqiga ega. Bunday holda, Buyurtma uchun to‘langan mablag‘ Foydalanuvchiga qaytariladi.

8.9. Foydalanuvchiga taqdim etiladigan Yetkazib berish muddati bo‘yicha bildirishnomalar faqat axborot xarakteriga ega bo‘lib, Uzum Tezkor, Sotuvchi, Logistika hamkori yoki Logistika hamkorining Kuryeri nazorat qila olmaydigan holatlar, jumladan ob-havo sharoitlari, yo‘l tirbandliklari va boshqa kechikish omillarini hisobga olmasligi mumkin. Shuningdek, Foydalanuvchi yuqori talab davrida (mavsumiy yoki ommaviy Promokodlar tarqatilishi sababli) Buyurtmaning tasdiqlanishi va Yetkazib berish muddati oshishi mumkinligini tasdiqlaydi va bunga rozilik bildiradi.

8.10. Xizmat ko‘rsatish sifatini nazorat qilish, nizoli vaziyatlarni hal qilish va Servis jarayonlarini takomillashtirish maqsadida Uzum Tezkor Foydalanuvchining Logistika hamkorining Kuryeri bilan barcha suhbatlarini yozib borishi mumkin. Foydalanuvchi Kuryer bilan bog‘lanish uchun Uzum Tezkor tomonidan tayinlangan maxsus telefon raqamidan foydalanishini qabul qiladi. Uzum Tezkor Foydalanuvchi tomonidan telefon suhbatlari davomida taqdim etilgan shaxsiy ma’lumotlarni amaldagi qonunchilikka muvofiq qayta ishlash majburiyatini oladi, bunda shaxsiy ma’lumotlarni yig‘ish, tizimlashtirish, saqlash, o‘zgartirish, qo‘shimcha qilish, foydalanish, taqdim etish, tarqatish, uzatish, anonimlashtirish va yo‘q qilish tushuniladi. Foydalanuvchi telefon suhbatlari davomida uchinchi shaxslarga tegishli shaxsiy ma’lumotlarni oshkor etgan taqdirda, u ularning roziligini olish majburiyatini oladi. Yozib olingan telefon suhbatlari qayta ishlash maqsadlariga erishish uchun zarur bo‘lgan muddat davomida saqlanadi, shundan so‘ng Uzum Tezkor ushbu yozuvlarni o‘chiradi yoki anonimlashtiradi. Uzum Tezkor har bir aloqa paytida Foydalanuvchini suhbat yozib olinishi haqida xabardor qilish majburiyatini oladi.

9. BUYURTMANI YETKAZIB BERISH

9.1. Foydalanuvchi tomonidan tuzilgan Yetkazib berish shartnomasiga muvofiq, Buyurtmalar Logistika hamkorlari va/yoki Logistika hamkorining Kuryerlari tomonidan yetkazib beriladi. Bunda Logistika hamkorlari yuridik shaxslar bo‘lishi mumkin, ularning tashkiliy-huquqiy shakli va xo‘jalik faoliyati turi cheklanmagan, shuningdek, Tovarlarni yetkazib berish faoliyatini amalga oshiruvchi o‘zini o‘zi band qilgan jismoniy shaxslar ham Kuryer sifatida ishtirok etishi mumkin.

9.2. Foydalanuvchi tomonidan tuzilgan Yetkazib berish sharti bilan Oldi-sotdi shartnomasiga muvofiq, Buyurtma Sotuvchi tomonidan yetkazib beriladi va bunda Yetkazib berish shartlari Servisda tegishli Sotuvchi tomonidan belgilangan tartibda amalga oshiriladi.

9.3. Uzum Tezkor Servisda ko‘rsatilgan Yetkazib berish vaqtiga muvofiq majburiyatlarni inobatga olgan holda, O‘zbekiston Respublikasi hududida Sotuvchining savdo nuqtalari uchun Yetkazib berish zonalarini mustaqil ravishda belgilash huquqiga ega (agar Yetkazib berish Logistika hamkori va/yoki Logistika hamkorining Kuryeri tomonidan amalga oshirilsa). Buyurtmaning Yetkazib berish vaqti Uzum Tezkor Servisida ko‘rsatiladi, bunda umumiy yetkazib berish muddati Servisda “Buyurtma Yetkazib berishga topshirildi/kuryerga topshirildi” yoki shunga o‘xshash ma’lumot aks etgan vaqtdan boshlab 2 soatdan oshmasligi kerak.

9.4. Foydalanuvchi Yetkazib berishni amalga oshiruvchi shaxslar uchun Yetkazib berish manziliga to‘sqinliksiz kirish imkoniyatini ta’minlashga, shuningdek, Buyurtmani qabul qilish uchun o‘zi yoki uning nomidan Buyurtmani qabul qila oladigan uchinchi shaxsning ko‘rsatilgan manzilda bo‘lishini ta’minlashga majburdir.

9.5. Foydalanuvchi Buyurtmani qabul qilish chog‘ida uning tarkibini tekshirish va Buyurtmaga muvofiqligini aniqlash majburiyatini oladi. Agar Yetkazib berilgan Buyurtma bilan bog‘liq muammolar aniqlansa, Foydalanuvchi ushbu Buyurtmani qabul qilmaslik huquqiga ega.

9.6. Yetkazib berish majburiyatlari Logistika hamkori yoki Logistika hamkorining Kuryeri ko‘rsatilgan Yetkazib berish manziliga yetib kelgan paytda bajarilgan hisoblanadi. Shu bilan birga, Buyurtmani topshirish bo‘yicha majburiyatlar Logistika hamkori yoki Logistika hamkorining Kuryeri Buyurtmani Foydalanuvchiga topshirgan paytda bajarilgan deb hisoblanadi.

9.7. Agar Yetkazib berish o‘z vaqtida amalga oshirilgan bo‘lsa, biroq Foydalanuvchi Buyurtmani qabul qilish uchun ko‘rsatilgan manzilda bo‘lmasa va/yoki Logistika hamkorining vakili, Kuryeri yoki Sotuvchi vakili yetib kelgan vaqtdan boshlab 10 daqiqa ichida bog‘lanmasa yoki Buyurtmani nomi, sifati, miqdori yoki to‘plami bilan bog‘liq bo‘lmagan sabablarga ko‘ra qabul qilishdan bosh tortsa, Uzum Tezkor ushbu Buyurtmani bekor qilish huquqiga ega, bunda Foydalanuvchi Yetkazib berish xarajatlari va Servis yig‘imini qoplash majburiyatini oladi. Agar bekor qilingan Buyurtma bo‘yicha Foydalanuvchi onlayn to‘lovni amalga oshirgan bo‘lsa, Buyurtma uchun to‘langan mablag‘lar (Tovar qiymati, Yetkazib berish narxi va Servis yig‘imi) qaytarilmaydi.

9.8. Agar Buyurtma onlayn to‘lov orqali amalga oshirilgan bo‘lsa, Foydalanuvchiga o‘z xohishiga ko‘ra Logistika hamkorining Kuryeriga qo‘shimcha naqd pulsiz to‘lov (keyingi o‘rinlarda — Choychaqa) qilish va Yetkazib berish bo‘yicha fikr-mulohaza qoldirish imkoniyati berilishi mumkin. Choychaqa to‘lash uchun Foydalanuvchi “Choychaqa qoldirish” tugmasini bosganida, Uzum Tezkor hamkorining servisiga yo‘naltiriladi va barcha keyingi harakatlarini ushbu servis doirasida amalga oshiradi. Choychaqa miqdori va to‘lov usullari Uzum Tezkor hamkorining servisida ko‘rsatiladi, bunda maksimal Choychaqa miqdori cheklangan bo‘lishi mumkin. Foydalanuvchi Uzum Tezkor hamkorining servisida joylashtirilgan ommaviy oferta shartlari va maxfiylik siyosati bilan tanishishi shart va “To‘lash” tugmasini bosish orqali ushbu hujjatlardagi shartlarga rozilik bildiradi. Shuningdek, Foydalanuvchi Choychaqa o‘tkazish jarayonida Uzum Tezkor hamkori tomonidan qo‘shimcha komissiya olinishi mumkinligini tushunadi.

9.9. Agar nizoli holatlar yuzaga kelsa, Uzum Tezkor, Sotuvchi, Logistika hamkori yoki Logistika hamkorining Kuryeri uchun Foydalanuvchi bilan bog‘lanishning asosiy vositasi ro‘yxatdan o‘tish vaqtida Foydalanuvchi tomonidan ko‘rsatilgan mobil telefon raqami hisoblanadi.

10. SERVISDA JOYLASHTIRILGAN MATERIALLARDAN FOYDALANISH SHARTLARI

10.1. Servis mualliflik huquqi bilan himoyalangan materiallar, tovar belgilari va qonun bilan himoyalangan boshqa materiallarni o‘z ichiga oladi, jumladan, matnlar, fotosuratlar, grafik tasvirlar va boshqa tarkibiy elementlar — lekin faqat ular bilan cheklanmagan.

10.2. Shu bilan birga, Servisdagi barcha kontent O‘zbekiston Respublikasining mualliflik huquqi va turdosh huquqlar to‘g‘risidagi qonunchiligiga muvofiq jamoaviy ijodiy mehnat mahsuli sifatida mualliflik huquqi bilan himoyalangan.

10.3. Uzum Tezkor Servis tarkibidan foydalanish huquqiga egalik qiladi (jumladan, Servisda joylashgan ma’lumotlarni tanlash, joylashtirish, tizimlashtirish va o‘zgartirish huquqlari, shuningdek, ushbu ma’lumotlarning o‘ziga nisbatan huquqlar), bundan Servisda e’lon qilingan materiallarning tarkibida alohida belgilangan holatlar mustasno.

10.4. Foydalanuvchi Servis tarkibiga o‘zgartirish kiritish, uni nashr etish, uchinchi shaxslarga uzatish, sotish yoki boshqa shaxsga berish, undan asoslangan mahsulotlar yaratish yoki Servis mazmunidan butunlay yoki qisman boshqa har qanday tarzda foydalanish huquqiga ega emas.

10.5. Foydalanuvchi Servisdan faqat ushbu Shartnomaning 1.5-bandida belgilangan qonuniy maqsadlarda foydalanishga majburdir.

10.6. Foydalanuvchi Servisda quyidagi mazmundagi har qanday materiallarni joylashtirmaslik va Servis orqali yoki Servis vositasida bunday materiallarni hech qanday manzilga yubormaslik majburiyatini oladi:

●O‘zbekiston Respublikasi qonunchiligini buzuvchi, tahdid va haqoratlarni o‘z ichiga oluvchi, boshqa shaxslarning sha’nini kamsituvchi, fuqarolarning shaxsiy hayoti yoki jamoat tartibiga tajovuz qiluvchi, odobsiz mazmundagi materiallar;

●Boshqa shaxslarning sha’ni va qadr-qimmatini, ularning qonun bilan himoyalangan huquqlari va manfaatlarini buzuvchi har qanday materiallar; diniy, irqiy yoki millatlararo adovatni qo‘zg‘atishga da’vat etuvchi yoki adovat uyg‘otishga urinish, shuningdek, zo‘ravonlikka chaqiruvchi materiallar;

●Boshqa shaxslarni noqonuniy harakatlarga undovchi, jinoiy, fuqarolik-huquqiy yoki boshqa javobgarlikka sabab bo‘lishi mumkin bo‘lgan har qanday materiallar yoki O‘zbekiston Respublikasi qonunlarini har qanday tarzda buzuvchi kontent.

10.7. Foydalanuvchi Servisda yoki Servis orqali hech qanday mahsulot yoki xizmatlarni reklama qiluvchi materiallarni Uzum Tezkorning oldindan aniq roziligisiz joylashtirmaslik va jo‘natmaslik majburiyatini oladi.

10.8. Foydalanuvchi Servisdan hech qanday mahsulot yoki xizmatlarni reklama qilish yoki ularning sotilishini rag‘batlantirish uchun foydalanmaslik majburiyatini oladi, jumladan, boshqa interaktiv xizmat tizimlariga obuna bo‘lishga undash, ayniqsa Uzum Tezkor raqobatchisi bo‘lgan tizimlarga yo‘naltirish, lekin faqat shu bilan cheklanmagan holda.

10.9. Foydalanuvchi Servisga yuklamaslik, joylashtirmaslik yoki boshqa har qanday tarzda foydalanmaslik majburiyatini oladi, agar ushbu materiallar intellektual mulk qonunchiligi (jumladan, mualliflik huquqi va tovar belgilari to‘g‘risidagi qonunchilik) bilan himoyalangan bo‘lsa va ularni joylashtirish uchun huquq egasining aniq roziligi olinmagan bo‘lsa. Shu bilan birga, Servisga joylashtirilgan materiallar mualliflik, turdosh va boshqa huquqlarni buzmasligini isbotlash majburiyati Foydalanuvchining zimmasida bo‘ladi, shuningdek, ushbu materiallarni noqonuniy joylashtirish bo‘yicha barcha javobgarlik ham Foydalanuvchiga yuklatiladi.

10.10. Uzum Tezkor Foydalanuvchi tomonidan e’lon qilingan sharhlar (fikr-mulohazalar) uchun javobgar emas.

10.11. Uzum Tezkor Foydalanuvchining sharhiga izoh qoldirish, sharhni joylashtirmaslik yoki O‘zbekiston Respublikasi qonunchiligini buzuvchi hamda uchinchi shaxslarning qonuniy manfaatlariga zarar yetkazuvchi (shu jumladan, haqoratli yoki sha’ni, qadr-qimmati va obro‘sini kamsituvchi) sharhlarni o‘chirish huquqini o‘zida saqlab qoladi.

11. JAVOBGARLIK

11.1. Uzum Tezkor Sotuvchi va/yoki Logistika hamkori va/yoki Logistika hamkorining Kuryeri hamda boshqa hamkorlarning Foydalanuvchi oldidagi majburiyatlarini bajarishi yoki bajarmasligi uchun, shuningdek, ular tomonidan taqdim etilgan ma’lumotlarning to‘g‘riligi uchun javobgar emas. Uzum Tezkor faqat Foydalanuvchi bilan Servisda taqdim etilgan Sotuvchilar, Logistika hamkorlari, Logistika hamkorining Kuryerlari va boshqa hamkorlar o‘rtasida axborot bog‘lovchi bo‘g‘in sifatida xizmat qiladi.

11.2. Uzum Tezkor quyidagi holatlarda Foydalanuvchi oldida javobgar emas:

- buyurtma va Choychaqa uchun to‘lovlarning kechikishi Uzum Tezkor va/yoki u tomonidan jalb qilingan xizmat ko‘rsatuvchi shaxslarning aybi bilan yuzaga kelmagan bo‘lsa (bunda ushbu shaxslarning harakatlari yoki harakatsizligi uchun Uzum Tezkor javobgar bo‘lmaydi);

- foydalanuvchining aybi bilan Buyurtma yoki Choychaqa uchun noto‘g‘ri to‘lov amalga oshirilgan bo‘lsa;

- Bank kartasi egasi tomonidan O‘zbekiston Respublikasining amaldagi qonunchiligida nazarda tutilgan xavfsizlik choralariga rioya qilinmagan bo‘lsa;

- Bank kartasi egasining bank kartasidan foydalangan holda sodir etilgan jinoyatlarga aloqadorligi aniqlangan bo‘lsa;

- Foydalanuvchi tomonidan ushbu Shartnoma shartlari, Uzum Tezkor hamkorlarining servislaridan foydalanish qoidalari yoki alohida xizmatlar qoidalari buzilganligi natijasida zarar yuzaga kelgan bo‘lsa.

11.3. Uzum Tezkor Foydalanuvchi tomonidan ko‘rsatilgan bank kartasi ma’lumotlariga ega emas va onlayn-to‘lov amalga oshirilayotganda uzatiladigan ma’lumotlarning saqlanishi hamda maxfiyligi uchun javobgar emas. Onlayn-to‘lov Foydalanuvchi tomonidan vakolatli to‘lov provayderlari (shu jumladan elektron to‘lov vositalari operatorlari), To‘lov agenti yoki boshqa hisob-kitob jarayonlari ishtirokchilari orqali amalga oshiriladi hamda xalqaro to‘lov tizimlari, banklar (jumladan, bog‘langan kartani chiqaruvchi bank) va boshqa hisob-kitob ishtirokchilarining qoidalariga muvofiq tartibga solinadi.

11.4. Uzum Tezkor quyidagi holatlarda Foydalanuvchining Buyurtmasini bekor qilish, shaxsiy profilini bloklash huquqiga ega:

- Foydalanuvchi Servis qo‘llab-quvvatlash xizmati Chati vakillari, Logistika hamkori vakillari/Kuryeri, Yetkazib berishni amalga oshiruvchi shaxslar, Sotuvchi vakillari bilan muloqotda nojo‘ya so‘zlar ishlatgan bo‘lsa;

- Foydalanuvchining yuqorida ko‘rsatilgan shaxslar va ularning vakillariga nisbatan qo‘pol, hurmatsiz yoki noo‘rin xatti-harakatlari kuzatilgan bo‘lsa;

- Foydalanuvchi ushbu Shartnoma talablarini buzgan bo‘lsa;

- Foydalanuvchi firibgarlik bilan shug‘ullangan, Uzum Tezkorni aldashga uringan yoki yetkazib berilgan Buyurtma haqida ataylab noto‘g‘ri ma’lumot taqdim etgan bo‘lsa (soxtalashtirilgan yoki qalbakilashtirilgan ma’lumotlar, jumladan, foto va videofayllar orqali), moddiy yoki boshqa foyda olish yoki Uzum Tezkorning ishchanlik obro‘siga zarar yetkazish maqsadida harakat qilgan bo‘lsa. Bunday holatlar aniqlangan taqdirda, Uzum Tezkor Foydalanuvchini javobgarlikka tortish uchun huquq-tartibot organlariga murojaat qilish huquqini o‘zida saqlab qoladi;

- Foydalanuvchining xatti-harakatlari yuqorida ko‘rsatilgan shaxslarning hayoti, jismoniy yoki ruhiy salomatligi yoki mulkiga tahdid solsa.

12. UZUM TEZKORNING MULKIY HUQUQLARI

12.1. Foydalanuvchi Servis va unga tegishli barcha zaruriy dasturlar maxfiy ma’lumotlarni o‘z ichiga olishini hamda ushbu ma’lumotlar O‘zbekiston Respublikasi qonunchiligi bilan himoyalanganligini tan oladi va bunga rozilik bildiradi. Foydalanuvchi ushbu kontent va dasturlarni butunlay yoki qisman o‘zgartirmaslik, sotmaslik va tarqatmaslik majburiyatini oladi.

13. MAXFIYLIK

13.1. Foydalanuvchi Servisdagi profilida ko‘rsatgan shaxsiy ma’lumotlari, shuningdek, so‘rovlar va intervyular davomida oshkor qilinishi mumkin bo‘lgan ma’lumotlar, Foydalanuvchining Uzum Tezkor qo‘llab-quvvatlash xizmati vakillari va/yoki Sotuvchi, Logistika hamkorining Kuryeri bilan telefon suhbatlari yozuvlari Uzum Tezkor tomonidan Maxfiylik siyosati shartlariga muvofiq saqlanadi va qayta ishlanadi. Foydalanuvchi ushbu Shartnomada, shuningdek, Maxfiylik siyosatida ko‘rsatilgan maqsadlar uchun o‘z shaxsiy ma’lumotlarini qayta ishlashga rozilik bildiradi.

13.2. Foydalanuvchi “Uzum Tezkor”ga Foydalanuvchining shaxsga doir ma’lumotlariga ishlov berish, “Uzum” kompaniyalar guruhiga, “Play Mobile” MChJ, “EIGHT GROUP” MChJ, “IST TELEKOM” MChJ QK, “COSCOM” MChJ, “MULTICARD PAYMENT” AJ, Sotuvchilarga, Logistika hamkorlariga/Logistika hamkorlarining Kuryerlariga Foydalanuvchining shaxsga doir ma’lumotlarini uzatishga rozilik beradi, shuningdek Foydalanuvchi Uzum kompaniyalar guruhi, Play Mobile MChJ, EIGHT GROUP MChJ, IST TELEKOM MChJ QK, COSCOM MChJ, MULTICARD PAYMENT AJ, Sotuvchilar, Logistik Partner/Logistik Partner Kuryerlari tomonidan ushbu shaxsga doir ma'lumotlarning Servisdan foydalanish, tegishli Buyurtmani Servisda rasmiylashtirish, Foydalanuvchi bilan va “Uzum Tezkor” kompaniyasi tomonidan yuqorida ko‘rsatilgan shaxslar bilan tegishli shartnomalar tuzish maqsadida ishlov berishiga rozilik beradi.

13.3. Foydalanuvchi Uzum Tezkordan “UZUM BANK” AJga uzatilishiga va “UZUM BANK” AJ tomonidan Foydalanuvchining shaxsini aniqlash uchun identifikator bo‘lmagan, balkim xatti-harakatlarga oid bo‘lgan ma’lumotlar quyidagi boshqa ma’lumotlarni ishlov berilishiga roziligini beradi:

- Uzum kompaniyalar guruhi mobil ilovalaridan foydalanganda kiritilgan manzillar;

- Profil uchun yuklangan rasm;

- Foydalanuvchi shaxsiy xohishlariga ko‘ra o‘rnatilgan qo‘shimcha sozlamalar.

13.4. Foydalanuvchi o‘z shaxsiy ma’lumotlarini aniq yuridik shaxslarga uzatish bo‘yicha roziligini qaytarish uchun Uzum Tezkor manziliga yozma so‘rov yuborish huquqiga ega. Uzum Tezkor bunday so‘rovni 30 kalendar kuni ichida ko‘rib chiqadi.

14. INTELLEKTUAL MULK

14.1. Servisga nisbatan barcha mutlaq huquqlar, jumladan, domen nomiga bo‘lgan huquqlar, Servisning tovar belgisi, ma’lumotlar bazalari, Servisdan foydalanishni ta’minlovchi barcha texnik ishlanmalar va boshqa tarkibiy qismlar Uzum Tezkorga tegishli.

14.2. Foydalanuvchi ushbu Shartnomada nazarda tutilmagan usullarda Servisdan foydalanish, shu jumladan, Shartnomada ko‘zda tutilmagan shaklda ma’lumotlarni olish huquqiga ega emas.

14.3. Foydalanuvchi Uzum Tezkorga barcha hududlarda amal qiluvchi, muddatsiz huquqni taqdim etadi, unga ko‘ra Uzum Tezkor Foydalanuvchi tomonidan Internet tarmog‘ida ochiq holda joylashtirilgan foto, matn va boshqa kontentlarni har qanday usulda, barcha mavjud yoki kelajakda yaratilishi mumkin bo‘lgan axborot tashuvchilarda foydalanishi, shuningdek, ushbu huquqni uchinchi shaxslarga muallif nomi ko‘rsatilgan holda yoki ko‘rsatmasdan berishi mumkin. Ushbu huquq quyidagi maqsadlarda amalga oshiriladi: Shartnomani bajarish, tanlovlar va reklama aksiyalarini o‘tkazish, foydalanuvchilarni xabardor qilish va boshqa shunga o‘xshash tadbirlarni amalga oshirish, Uzum Tezkorning qonuniy huquq va manfaatlarini himoya qilish, Servis faoliyatini ta’minlash.

15. BOSHQA SHARTLAR

15.1. Ushbu Shartnoma O‘zbekiston Respublikasining amaldagi qonunchiligi normalari bilan tartibga solinadi.

15.2. Shartnoma Foydalanuvchi Servisda ro‘yxatdan o‘tgan paytdan boshlab tuzilgan hisoblanadi.

15.3. Ushbu Shartnomadan kelib chiqadigan va/yoki u bilan bog‘liq bo‘lgan barcha nizolar O‘zbekiston Respublikasining amaldagi qonunchiligi normalariga muvofiq hal etiladi.

15.4. Ushbu Shartnoma Foydalanuvchi va Uzum Tezkor o‘rtasida agentlik, sheriklik, qo‘shma faoliyat, ishga yollash yoki ushbu Shartnomada bevosita nazarda tutilmagan boshqa har qanday huquqiy munosabatlarni o‘rnatmaydi.

15.5. Foydalanuvchi o‘zining huquqiy layoqatga ega shaxs ekanligini hamda O‘zbekiston Respublikasi qonunchiligiga muvofiq Sotuvchi bilan Chakana oldi-sotdi shartnomasi va Logistika hamkori/Kuryeri bilan Yetkazib berish shartnomasini yoki Sotuvchi bilan Yetkazib berish sharti bilan Chakana oldi-sotdi shartnomasini tuzish, shuningdek, ushbu Shartnomada ko‘rsatilgan boshqa bitimlar va harakatlarni amalga oshirish uchun zarur yoshga yetganligini tasdiqlaydi. Foydalanuvchi yosh cheklovi belgilangan Tovarlarni buyurtma qilishdan oldin, ushbu Tovarlarni sotib olish uchun qonuniy yosh talablariga javob berishini tasdiqlaydi.

15.6. Foydalanuvchi Uzum Tezkor tomonidan Servisdan foydalanish tajribasini tahlil qilish va o‘rganish maqsadida SMS-xabar yoki push-bildirishnomalar orqali o‘tkaziladigan so‘rov va intervyularda ishtirok etishga taklif qilinishi mumkinligini qabul qiladi. Ishtirok etish ixtiyoriy bo‘lib, Foydalanuvchi istalgan vaqtda Servisdan foydalanish imkoniyatiga salbiy ta’sir ko‘rsatmasdan undan voz kechishi mumkin. Uzum Tezkor Foydalanuvchiga so‘rov va intervyularda ishtirok etganlik uchun Tovar yoki Yetkazib berish narxiga chegirma beruvchi Promokod/lar taqdim etish huquqini o‘zida saqlab qoladi.

15.7. Foydalanuvchi Servisdan foydalanish jarayonida “Yandex.Kartalar” xizmatidan foydalanishini qabul qiladi. “Yandex.Kartalar” xizmatidan foydalanish shartlari quyidagi havolada mavjud: https://yandex.ru/legal/maps_termsofuse/.

15.8. O‘zbekiston Respublikasining 1996 yil 26-apreldagi № 221-I “Iste’molchilar huquqlarini himoya qilish to‘g‘risida”gi Qonuniga muvofiq, Sotuvchi va Logistika hamkori/Kuryeri haqida tegishli ma’lumotlar Foydalanuvchiga Servisda yoki bevosita Sotuvchining sahifasida taqdim etiladi. Servisda ko‘rsatilgan Sotuvchining ish vaqti uning Buyurtmalarni qabul qilish vaqtiga mos keladi, agar Sotuvchi tomonidan boshqa tartib belgilangan bo‘lmasa.

15.9. Uzum Tezkor ushbu Shartnomaga Foydalanuvchilarning roziligisiz o‘zgartirishlar kiritish huquqiga ega. Shunda Uzum Tezkor bunday o‘zgarishlar to‘g‘risida, ular kuchga kirishidan kamida 15 (o‘n besh) kun oldin bu haqda https://uzumtezkor.uz veb-saytida va ommaviy axborot vositalarida e’lon joylashtirish orqali Foydalanuvchilarni xabardor qiladi. Bunday o'zgartirishlar/qo'shimchalar Shartnomaning o'zgartirilgan matni (uning ajralmas qismi bo'lgan hujjatlar) Internet tarmog'ida https://uzumtezkor.uz/terms-of-use havolasi bo'yicha joylashtirilgan kundan boshlab 15 kun o'tgach kuchga kiradi, agar o'zgartirishlar e'lon qilingandan keyin qo'shimcha ravishda kuchga kirishi uchun boshqa muddat belgilanmagan bo'lsa. Uzum Tezkor tomonidan mazkur Shartnomaga kiritilgan barcha o‘zgartirishlar uning amaldagi versiyasida aks ettirilgan bo‘lib, quyidagi: https://uzumtezkor.uz/terms-of-use havolada mavjud. Shartnoma yangi tahrirga almashtirilgunga qadar muddatsiz amal qiladi. Foydalanuvchi Shartnomaning yangi tahriri bilan tanishmaslik xavfini o’z zimmasiga oladi. O’zgartirishlar kuchga kirgandan keyin Servisdan foydalanishni davom ettirish Foydalanuvchi tomonidan Shartnomaning yangi tahriri to’liq va so’zsiz qabul qilinganligini anglatadi.

Agar amaldagi qonun hujjatlariga muvofiq Shartnomani bir tomonlama o’zgartirishga yo’l qo’yib bo’lmaydigan bo’lsa, bunday o’zgartirishlar Foydalanuvchi uchun tasdiqlovchi har qanday usulda rozilik bildirganda, shu jumladan Buyurtmaning navbatdagi to’lovini amalga oshirishda yoki Servisdan navbatdagi foydalanishda kuchga kiradi.

15.10. Uzum Tezkor Servisda Promokodlardan foydalanish tartibini mustaqil ravishda belgilaydi. Promokodlar bo‘yicha Tovar yoki Yetkazib berish narxiga chegirmalar faqat Uzum Tezkor tomonidan tasdiqlangan holatlar va tartibda qo‘llaniladi. Promokodlar doimiy chegirma olish vositasi emas. Agar Uzum Tezkor Foydalanuvchining Promokodlardan shubhali foydalanishini aniqlasa, Uzum Tezkor Foydalanuvchining Promokodlardan foydalanishini vaqtincha yoki butunlay cheklash yoki Foydalanuvchining Servisga kirish huquqini cheklash huquqiga ega.

15.11. Shartnoma ijrosi bilan bog‘liq barcha masalalar bo‘yicha Uzum Tezkorning quyidagi manziliga murojaat qilish mumkin: O‘zbekiston Respublikasi, Toshkent shahri, Yakkasaroy tumani, Kichik Beshyog‘och ko‘chasi, 132 A.

15.12. Rekvizitlar:

- «UZUM BANK» AJ: STIR: 309016201, 28.11.2022-yildagi 88-sonli litsenziya, manzil: Toshkent shahri, Mirobod tumani, Fidokor koʻchasi, 30-uy, telefon: +998 78 777 07 99.

- Toʻlov agenti «UZUM» MChJ: STIR: 310088430, manzil: Toshkent shahri, Yunusobod tumani, Kichik Xalqa avtomobil yoʻli koʻchasi, 56-uy.

E’lon qilingan sanasi: “29”-aprel 2025-y.

Kuchga kirish sanasi: “14”-may 2025-y.

1-sonli Ilova

Tegishli sifatga ega bo’lgan, lekin qaytarib berilmaydigan yoki shunga o‘xshash boshqa tovar bilan almashtirib bo‘lmaydigan nooziq-ovqat tovarlar ro‘yxati

1. Uy sharoitida kasalliklarning oldini olish va davolash uchun mo‘ljallangan mahsulotlar – sanitariya va gigiyena buyumlari (metall, rezina, to‘qimachilik va boshqa materiallardan tayyorlangan mahsulotlar), tibbiy buyumlar va tibbiy texnika, og‘iz bo‘shlig‘i gigiyenasi vositalari, ko‘zoynak linzalari, bolalar parvarishiga mo‘ljallangan mahsulotlar, dori vositalari.

2. Shaxsiy gigiyena buyumlari – tish cho‘tkalari, taroq va soch qisqichlari, soch bigudilari, parik va shignonlar, shuningdek, shunga o‘xshash boshqa mahsulotlar.

3. Parfyumeriya va kosmetika mahsulotlari.

4. To‘qimachilik mahsulotlari – paxta, zig‘ir, ipak, jun va sintetik matolar, nozik mato mahsulotlari (lenta, to‘qilgan tasmalar, dantellar va boshqalar); kabel mahsulotlari (simlar, shnurlar, kabellar); qurilish va pardozlash materiallari (linoleum, plyonka, gilam qoplamalari va boshqalar), o‘lcham bo‘yicha sotiladigan boshqa mahsulotlar.

5. Tikuv va trikotaj mahsulotlari – ichki kiyimlar, paypoq, qo‘lqop va shunga o‘xshash mahsulotlar.

6. Oziq-ovqat mahsulotlari bilan bevosita aloqa qiluvchi polimer materiallardan tayyorlangan buyumlar, jumladan bir martalik foydalanishga mo‘ljallangan mahsulotlar – idish-tovoqlar, oshxona anjomlari, oziq-ovqat mahsulotlarini saqlash va tashish uchun mo‘ljallangan idishlar va qadoqlash materiallari.

7. Maishiy kimyo mahsulotlari, pestitsidlar va agroximikatlar.

8. Mebel mahsulotlari – mebel garniturlari va to‘plamlari.

9. Qimmatbaho metallardan tayyorlangan buyumlar – qimmatbaho toshlar bilan bezatilgan mahsulotlar, yarim qimmatbaho va sun’iy toshlar bilan bezatilgan qimmatbaho metall buyumlar, qimmatbaho toshlarning kesilgan shakllari.

10. Avtomobillar, mototsikllar, velosiped mahsulotlari – ularga moslashtirilgan tirkamalar va davlat raqamiga ega agregatlar, qishloq xo‘jaligi ishlarini mexanizatsiyalash uchun mo‘ljallangan kichik harakatlanish vositalari, sayr qilish uchun mo‘ljallangan kemalar va boshqa maishiy suzish vositalari.

11. Murakkab texnik jihozlar, kafolat muddati belgilangan quyidagi mahsulotlar: metall va yog‘ochni qayta ishlash stanoklari, maishiy elektr jihozlari va qurilmalar, radioelektron apparaturalar, kompyuter va nusxa ko‘chirish texnikasi, foto va kinokameralar, telefon va faks apparatlari, elektr musiqa asboblari, elektron o‘yinchoqlar.

12. Jonivorlar va o‘simliklar.